Bon biní na UDC Idioma !

  • Bo ke drecha bo ingles?
  • Semper bo tabata ke siña papiamentu?
  • Bo ta bini di eksterior i bo ke ta kapas pa komuniká na hulandes?
  • Bo situashon ta eksihí dominio di spañó?

E parti di idioma di UDC ta ofresé bo kursonan di ingles, papiamentu, hulandes i spañó riba diferente nivel, ku ta kuadra ku e nivelnan ku ‘European Framework Reference’ ta mantené.

Tur kurso tin e mes struktura: kada kurso ta dura 13 siman i e lèsnan ta dos biaha pa siman, 1 ora i mei pa lès.

Dosentenan eksperensiá ta yuda bo ku tur opstákulo ku siñamentu di un idioma nobo ta trese kuné i nan no ta lubidá tampoko ku siñamentu di un idioma nobo mester ta plasentero. Nan ta yuda bo tambe ora bo tin ku skohe e nivel korekto pa kuminsá.

Na final di e kurso bo ta risibí un sertifikado di UDC/CDC Idioma  menshonando e idioma, un deskripshon kòrtiku di loke bo a logra i bo skor final.

Klek riba e kurso di idioma di bo eskoho aki bou pa mas informashon tokante kada kurso individual òf tuma kontakto ku nos na ‘Landhuis Groot Davelaar’.

Ingles Spañó
Komunikashon General EN-A1 Komunikashon General ESP-A1
Komunikashon General EN-A2 Komunikashon General ESP-A2
Komunikashon Comercial EN-B1
Komunikashon Comercial EN-B2
Hulandes Papiamentu
Komunikashon General  NE-A1 Komunikashon General PAP-A1
Komunikashon General NE-A2 Komunikashon General PAP-A2
Komunikashon Empresarial NE-B

 

Contact us for more information.